युनिकोड
अमेरिकाका उपराष्ट्रपति जेडी भान्सले भारत र पाकिस्तानबीच जारी द्वन्द्वमा आफ्नो देश सामेलन नहुने बताएका छन्।
फक्स न्युजसँगको अन्तर्वार्तामा भान्सले भनेका छन्, ‘हामीले गर्न सक्ने भनेको दुवै देशलाई तनाव कम गर्न प्रोत्साहन गर्ने कोसिस हो, तर मूल रूपमा हामी युद्धमा सहभागी भइरहेका छैनौँ। त्यो हाम्रो काम होइन।’
उनले अगाडि भनेका छन्, ‘यसको यो मुद्दालाई नियन्त्रण गर्ने अमेरिकाको क्षमतासँग कुनै सम्बन्ध छैन... हामी कूटनीतिक माध्यमबाट यस मुद्दामा हाम्रा प्रयास जारी राख्नेछौँ।’
यस अन्तर्वार्तामा उनले भारत र पाकिस्तानबीचको यो तनाव व्यापक क्षेत्रीय युद्ध वा आणविक द्वन्द्वमा परिणत नहुने आशा पनि व्यक्त गरेका छन्।
अप्रिल २२ मा जम्मु कश्मीरको पहलगाममा आक्रमण हुँदा जेडी भान्स आफ्ना श्रीमती र बच्चाहरूसहित भारत भ्रमणमा थिए।
प्रतिक्रिया