सिन्धु जल सन्धिबारे मोदी: पहिले भारतको पानी बाहिर बगिरहेको थियो, अब रोकिन्छ

पहलगाम आतंकवादी हमलापछि भारतले पाकिस्तानसँगको सिन्धु जल सन्धि निलम्बन गरेको छ। 

यस सम्बन्धमा भारतीय प्रधानमन्त्री नरेन्द्र मोदीले पहिलोपटक सार्वजनिक बयान दिएका छन्।

प्रधानमन्त्री मोदीले मंगलबार भने, ‘भारतको पानी पहिले बाहिर जान्थ्यो, अब यो भारतको हितको लागि रहनेछ र देशको लागि उपयोगी हुनेछ। अर्थात्, जुन पानी पहिले भारतको सिमानाबाट बाहिर बगिरहेको थियो (विशेष गरी पाकिस्तान वा बंगलादेशजस्ता छिमेकी देशमा), भारत सरकारले अब त्यो पानी रोक्ने र देशको हितमा प्रयोग गर्ने योजना बनाइरहेको छ।’

सिन्धु जल सन्धि रोक्ने निर्णय भारतको सुरक्षासम्बन्धी मन्त्रिपरिषद् समिति (सीसीएस) ले गरेको थियो। भारतले पाकिस्तानले सीमापार आतंकवादलाई समर्थन गर्न बन्द नगरेसम्म यो निलम्बन जारी रहने बताएको छ। 

के हो सिन्धु जल सन्धि?
सिन्धु जल सन्धिअन्तर्गत भारतले १९६० देखि सिन्धु, झेलम र चेनाब नदीको पानीको ठूलो हिस्सा पाकिस्तानलाई दिइरहेको छ भने भारतले सतलज, रावी र व्यास नदीको पानी प्रयोग गर्छ।

तर हालैका वर्षमा भारतले आफ्नो हिस्साको पानीको पूर्ण उपयोग गर्नुपर्छ ताकि देशमा कृषि, पिउने पानी र विद्युत् उत्पादनका लागि पानीको उपलब्धता बढ्न सकोस् भन्ने बहस तीव्र बनेको छ।