युनिकोड
पहलगाम आक्रमणपछि भारत र पाकिस्तानबीच तनाव बढिरहेका बेला भारतीय वायुसेनाले 'एक्सरसाइज आक्रमण' अन्तर्गत सैन्य अभ्यास थालेको छ।
पहाड र जमिनका लक्ष्यमा हवाई आक्रमणको अभ्यास गरिएको भारतीय सञ्चारमाध्यमले जनाएका छन्।
यो युद्ध अभ्यास हाल केन्द्रीय क्षेत्रमा चलिरहेको छ। यस अभ्यासमा वायुसेनाका पाइलटहरूले पहाड र जमिनका लक्ष्यमा आक्रमण गर्ने अभ्यास गरिरहेका छन्।
स्रोतका अनुसार पूर्वी क्षेत्रबाट धेरै वायुसेना उपकरण मध्य क्षेत्रमा पठाइएको छ। पाइलटहरूले वास्तविक युद्धमै जस्तो गरी अभ्यास गरिरहेका छन्, ताकि युद्धमा काम गर्ने अनुभव प्राप्त गर्न सकियोस्।
यस युद्ध अभ्यासलाई 'आक्रमण' नाम दिइएको छ। यसको अर्थ आक्रमण गर्नु र आक्रमण क्षमतालाई बलियो बनाउनु हो।
अभ्यास आक्रमणमा राफेल लडाकु विमान र सुखोई-३० लडाकु विमान सहभागी छन्। भारतीय वायुसेनाले भने यो अभ्यास नियमित प्रशिक्षण अभ्यास भएको बताएको छ।
भारतीय वायुसेनाले विभिन्न समयमा अन्य देशका वायुसेनासँग सैन्य अभ्यास गर्ने गरेको भए पनि यस आक्रमण अभ्यासको समय महत्त्वपूर्ण छ। पहलगाममा भएको आतंकवादी हमलापछि भारतीय नौसेनाले अरब सागरमा क्षेप्यास्त्र परीक्षण गर्दा वायुसेनाले यो अभ्यास गरिरहेको हो।
प्रतिक्रिया