राजस्थानमा साढे तीन वर्षीया बालिका १५० फिट गहिरो खाडलमा खसिन्, निकाल्ने प्रयास जारी

भारत राजस्थानको बेहरोर जिल्लाको कोटपुतलीमा साढे ३ वर्षीया बालिका १५० फिट गहिरो बोरवेलमा खसेकी छन्। 

उनलाई बाहिर निकाल्ने प्रयास जारी रहेको बीबीसी हिन्दीले जनाएको छ।

यसका लागि एनडीआरएफ र एसडीआरएफको टोली तैनाथ छन्।

यी बालिका बाबुको खेतमा खेल्दै गर्दा बोरवेलमा खसेकी थिइन्।

बालिकाकी आमा ढोली देवीले पीटीआईलाई भनिन्, ‘मेरी छोरीलाई बचाउन म सरकारलाई अपिल गर्छु।’