युनिकोड
अमेरिकाले सिरियाका नयाँ नेता अहमद अल-शरा पक्राउ गर्न तोकेको उनको टाउकोको मूल्य हटाएको छ।
यसअघि अमेरिकाले अहमद अल-शराको सूचना दिनेलाई १ करोड डलर पुरस्कार दिने घोषणा गरेको थियो।
अमेरिकाले वरिष्ठ कूटनीतिज्ञ र हयात तहरिर अल-शामका प्रतिनिधिहरूसँगको भेटपछि उक्त निर्णय गरेको हो। अहमद अल-शरा विद्रोही समूह हयात तहरिर अल-शामका प्रमुख हुन्।
अमेरिकी सहायक विदेशमन्त्री बारबरा लिफले शरासँगको वार्ता ‘धेरै फलदायी’ भएको र सारा निकै ‘व्यावहारिक’ भएको बताएकी छन्।
सिरियाली राष्ट्रपति बसर अल असदलाई सत्ताबाट हटाएपछि अमेरिकी प्रतिनिधिमण्डल सिरिया पुगेको छ।
तर अमेरिकाले अझै पनि अहमद अल-शराको संगठन हयात तहरिर अल-शामलाई आतंकवादी संगठन नै मान्छ।
हयात तहरिर अल-शामको सम्बन्ध अल कायदासँग छ, त्यसैले अमेरिकाले यसका प्रमुख अहमद अल-शराको टाउकोको मूल्य तोकेको थियो।
प्रतिक्रिया