युनिकोड
भारतीय प्रान्त पन्जाबको अमृतसरस्थित स्वर्ण मन्दिरमा बुधबार बिहान गोली प्रहार भएको छ।
अकाली दलका नेता तथा राज्यका पूर्वमुख्यमन्त्री सुखवीर सिंह बादल अकाल तख्तको सजाय भोगिरहेको ठाउँमा गोली चलेको हो।
भिडिओमा एक वृद्ध व्यक्ति सुखवीर सिंह बादलतर्फ अघि बढिरहेको देख्न सकिन्छ। अनि उनले पेस्तोल निकालेर फायर गर्छन् तर बादलसँगै उपस्थित मानिसले उनलाई समात्छन् ।
समाचार एजेन्सीका अनुसार आक्रमणकारीको साथबाट एउटा पेस्तोल बरामद भएको छ।
घटनालगत्तै सुरक्षाकर्मीले सुखवीर बादललाई घेरा हालेका थिए।
अमृतसरका प्रहरी आयुक्त गुरप्रीत सिंह भुल्लरले सुखवीर सिंह बादललाई सेवा गरिरहेका बेला आक्रमण गर्ने प्रयास भएको पुष्टि गरेका छन्।
प्रहरीका अनुसार गोली प्रहार गर्ने व्यक्ति नारायण सिंह हुन्।
नारायण सिंह खालिस्तान आन्दोलनको समयमा सक्रिय थिए र खलिस्तान लिबरेसन फोर्स र अकाल फेडरेसनसँग सम्बद्ध रहेको बताइएको छ।
सोमबार अकाल तख्तले बादल र उनको मन्त्रीमण्डलका अधिकांश सदस्यलाई धार्मिक सजाय सुनाएको थियो।
यसअन्तर्गत बादललाई स्वर्ण मन्दिरको गेटमा भाला लिएर पहरा दिने दण्ड दिइएको थियो।
प्रतिक्रिया