युनिकोड
अस्ट्रेलियाको सिड्नीस्थित एक सपिङ मलमा एकजना आक्रमणकारीले नौ महिनाका बच्चासहित कैयौँलाई छुरा हानेका छन्।
बीबीसीका अनुसार मानिसहरू बोन्डी जंक्सनको वेस्टफिल्ड सपिङ सेन्टरबाट दौडिरहेको देख्न सकिन्छ। घटनामा चार जनाको मृत्यु भएको स्थानीय सञ्चारमाध्यमले जनाएका छन् ।
प्रहरी कारबाहीमा आरोपित आक्रमणकारीलाई गोली लागेको छ। प्रहरीले घटनास्थलबाट टाढा रहन स्थानीयलाई अपिल गरेको छ।
प्रहरीले उक्त क्षेत्र खाली गराएको छ। तर घटनास्थलमा एम्बुलेन्स र प्रहरीका गाडी भने छन्।
न्यु साउथ वेल्स एम्बुलेन्सले समाचार एजेन्सी एएफपीलाई बताएअनुसार आक्रमणकारी हुन सक्ने अनुमान गरिएको एक व्यक्ति प्रहरीको गोलीबाट मारिएका छन्।
प्रतिक्रिया