युनिकोड
इजरायलको आक्रमणमा परी गाजामा हजारभन्दा बढी मानिस बेपत्ता भएको प्यालेस्टिनी सिभिल डिफेन्सले जनाएको छ।
ती व्यक्ति इजरायली बम आक्रमणमा ध्वस्त भएका घर र भवनहरू मुनि दबिएको बताइएको छ।
गाजामा हमासद्वारा सञ्चालित आन्तरिक मन्त्रालयका प्रवक्ता इयाद अल–बोजोमले पनि गाजामा हजारभन्दा बढी व्यक्ति बेपत्ता भएको पुष्टि गरेका छन्।
प्यालेस्टिनी स्वास्थ्य मन्त्रालयले अक्टोबर ७ यता गाजामा २ हजार ७ सय ५० प्यालेस्टिनीको मृत्यु भएको र ९ हजार ७०० जना घाइते भएको जनाएको छ।
उसका अनुसार वेस्ट बैंकमा अन्य ५८ जनाको मृत्यु र १ हजार २५० जना घाइते भएका छन्।
प्यालेस्टिनी पत्रकार सिन्डिकेटका अनुसार मारिनेहरूमा ११ प्यालेस्टिनी पत्रकार पनि छन्।
प्रतिक्रिया