स्पेनको नाइट क्लबमा आगलागी, १३ जनाको मृत्यु, १४ व्यक्ति बेपत्ता

दक्षिणपूर्वी स्पेनको एक नाइट क्लबमा आगलागी हुँदा कम्तीमा १३ जनाको मृत्यु भएको छ।

यो घटना मुर्चिया सहरमा भएको हो। स्थानीय समयअनुसार बिहान ६ बजे आगलागी भएको हो। 

सामाजिक सञ्जालमा सार्वजनिक घटनासँग सम्बन्धित भिडिओमा नाइटक्लब भवनमाथि आगो बलेको र झ्यालबाट धुवाँ निस्किरहेको देखिएको छ। आगलागीको कारण भने अहिलेसम्म पत्ता लागेको छैन। 

आगलागी हुँदा नाइट क्लबमा भीड लागेको थियो। अधिकारीहरूले मृतकको संख्या बढ्न सक्ने बताएका छन्।