युनिकोड
युक्रेनका राष्ट्रपति भोलोदिमिर जेलेन्स्कीले कोस्ट्यान्निभका सहरमा रुसले गरेको मिसाइल आक्रमणमा १६ जनाको मृत्यु भएको बताएका छन्।
उक्त सहर डोनेस्क क्षेत्रमा अवस्थित छ। युक्रेनी राष्ट्रपति जेलेन्स्कीले यो हमला बजारमा भएको र धेरै मानिस घाइते भएको बताएका छन्। मृत्यु हुनेको संख्या पनि बढ्न सक्ने उनको भनाइ छ।
जेलेन्स्कीले यो आक्रमणलाई अमानवीय भनेका छन्। राष्ट्रपतिले मृत्यु हुनेले कुनै अपराध नगरेको बताए।
यसै क्रममा जापोरिजिया क्षेत्रका प्रमुखले रुसी रकेट आक्रमणमा दुई जना घाइते भएको बताएका छन्।
यसैबीच युक्रेनको संसदले रुस्तम उमरोभलाई देशको रक्षामन्त्रीमा नियुक्त गरेको छ। बीबीसी
प्रतिक्रिया