युनिकोड
युक्रेनको राजधानी किभमा भएको हेलिकप्टर दुर्घटनापछि राष्ट्रपति भोलोदिमिर जेलेन्स्कीले ‘युद्धकालमा दुर्घटना’ नहुने बताएका छन्।
बुधबार हेलिकप्टर दुर्घटना हुँदा युक्रेनका गृहमन्त्री डेनिस मोनास्टिरस्कीसहित १४ जनाको मृत्यु भएको छ।
युक्रेनले अहिलेसम्म यो दुर्घटनामा रुसको हात रहेको दाबी नगरे पनि डाभोसमा भएको वर्ल्ड इकोनोमिक फोरम (डब्ल्यूईएफ) मा राष्ट्रपति जेलेन्स्कीले यो घटना युद्धको परिणाम भएको बताएका हुन्।
आफ्नो भिडिओ सन्देशमा जेलेन्स्कीले आफ्ना पश्चिमी सहयोगीहरूलाई जतिसक्दो चाँडो थप हतियार पठाउन अपिल पनि गरे।
नेटोका प्रमुखले सोही मञ्चमा आफ्नो सम्बोधनमा युक्रेनले छिट्टै नयाँ, थप शक्तिशाली र आधुनिक हतियार पाउने बताएका छन् ।
४२ वर्षीय गृहमन्त्री डेनिस मोनास्टिरस्की रुसी आक्रमणपछि मृत्यु हुने युक्रेनका उच्च पदस्थ अधिकारी हुन्। बीबीसी
प्रतिक्रिया