लमजुङमा घरमा आगलागी हुँदा भाडामा बसेकी एकल महिलाको मृत्यु

लमजुङको सुन्दर बजार नगरपालिका-९ बुद्धटोलस्थित भरत थापाको घरमा आज बुधबार बिहान आगलागी हुँदा भाडामा बसेकी एकल महिलाको मृत्यु भएको छ।

जिल्ला प्रहरी कार्यालयका सूचना अधिकारी राजकिशोर शाहीका अनुसार दोर्दी गाउँपालिका-१ की ७० वर्षीया मिठी थापाको मृत्यु भएको हो।

आज बिहान करिब ३:३० बजे आगलागी भएपछि प्रहरी र स्थानीयले उनी बसेको कोठाको ढोका फोरेर उद्धार गरेका थिए।

तर जलेर गम्भीर घाइते भएकी उनको उपचारका क्रममा बेँसीसहरस्थित प्रदेश अस्पतालमा मृत्यु भएको प्रहरीले जनाएको छ।