इटहरीमा पुनः सञ्चालनमा आयो क्यूएफएक्स सिनेमाज

उनका अनुसार क्यूएफएक्सको लोयल्टी प्रोग्राम अन्तर्गत दर्शकहरूले हलमा खर्च गरेबापत विशेष पोइन्टहरू शेयरको रुपमा पाउनुहुनेछ । केही समयपछि त्यसलाई पैसामा कन्भर्ट गरेर क्यूएफएक्सको अफिसियल एप, बक्स अफिस र फुड काउन्टरमार्फत टिकट र खानेकुरा किन्न प्रयोग गर्न सकिन्छ। यो सुविधा इटहरीका लागि मात्र नभएर, इटहरीका दर्शक काठमाडौँ जाँदा वा काठमाडौँका दर्शक इटहरी आउँदा पनि समान रूपमा एपमार्फत प्रयोग गर्न सक्नेछन्।

इटहरी ब्रान्च म्यानेजर अस्मिता गुरागाईंले आगलागीको घटनापछि हलको स्वरूप र सेवा पूर्ण रूपमा परिवर्तन भएको दाबी गरिन्। ‘आगो लागेपछि क्यूएफएक्स सिनेफ्लेक्स इटहरी निकै नै परिवर्तित र आकर्षक भएर आएको छ । अब यहाँका दर्शकले काठमाडौँका सुविधा सम्पन्न हलकै जस्तो लुक्स, चुस्त व्यवस्थापन र हस्पिटालिटीको अनुभव लिन सक्नुहुन्छ । मलको ५ तला माथि हल भए पनि दर्शकको सहजताका लागि लिफ्टको राम्रो सुविधा छ,’उनले भनिन्।  

इटहरीवासी दर्शकले सवारीसाधन पार्किङ साँघुरो भइरहेको गुनासोलाई पनि हल व्यवस्थापनले ध्यान दिइरहेको छ। यसका लागि पनि ठाउँको खोजी भइरहेको ब्रान्च म्यानेजर गुरागाईं बताउँछिन्। आगामी दिनहरूमा सिनेमा प्रेमीहरूलाई प्रोत्साहित गर्न विशेष स्क्रिनिङ, आकर्षक अफरहरू, लोयल्टी कार्यक्रमहरू र उत्कृष्ट ‘फुड एन्ड बेभरेज’ सेवामार्फत दर्शकसँगको सम्बन्धलाई अझ मजबुत बनाउने लक्ष्य क्यूएफएक्स इटहरीले लिएको छ।