युनिकोड
भारतीय अभिनेता गोवर्धन असरानीको निधन भएको छ। उनको मुम्बईको जुहूस्थित आरोग्य अस्पालमा ८४ वर्षको उमेरमा निधन भएको हो।
केही दिनदेखि अस्वस्थ भएका असरानी चार दिनदेखि मुम्बईको जुहूस्थित आरोग्य निधि अस्पतालमा भर्ना थिए। सोमबार दिउँसो बीचमा उनले अन्तिम सास फेरे। उनका स्वकीय सचिव बाबुभाईले उनको मृत्यु भइसकेको पृष्टि गरे।
मुम्बईको सान्ताक्रुज क्षेत्रको शास्त्री नगरस्थित श्मशानघाटमा उनको दाहसंस्कार गरिएको थियो, जहाँ परिवारका सदस्यहरू र नजिकका व्यक्तिहरू मात्रै उपस्थित थिए।
उनकी श्रीमतीका मञ्जुका अनुसार असरानी ‘मृत्युको हेडलाइन नबनोस् र धेरै हंगामा मच्चाओस्’ भन्ने चाहँदैन थिए। जसकारण उनको मृत्युको बारेमा उनको अन्त्येष्टि पछि मात्र सार्वजनिक गरिएको थियो। अन्त्येष्टिमा असरानीकी श्रीमती मञ्जु, असरानीकी बहिनी र भतिजा पनि उपस्थित थिए।
असरानीको जन्म जनवरी १, १९४१ मा जयपुरमा भएको थियो। उनले जयपुरको सेन्ट जेभियर्स स्कूलमा पढेका थिए र त्यसपछि राजस्थान कलेजबाट स्नातक गरेका थिए।
असरानीले १९६७ मा फिल्म ‘हरे काँच की चुडियाँ’ बाट बलिउडमा डेब्यू गरेका थिए। यस समयमा लोकप्रिय फिल्म निर्माता हृषिकेश मुखर्जीले उनलाई १९६९ को फिल्म ‘सत्यकाम’ मा कास्ट गरे, जसले उनलाई पहिचान दियो। त्यसपछिको सफलता १९७१ को फिल्म ‘गुड्डी’ बाट पाए। त्यसबेलादेखि उनले कहिल्यै पछाडि फर्केर हेर्नुपरेन। निरन्तर फिल्म काम पाउन थाले।
असरानीले राजेश खन्नासँग फिल्म ‘बावर्ची’ मा काम गरेका थिए। सेटमा उनीहरूको मित्रता गाढा भयो। राजेश खन्ना असरानीको कामबाट यति प्रभावित भए कि उनले निर्माताहरूलाई उनले अभिनय गरेका हरेक फिल्ममा हास्य कलाकारको रूपमा कास्ट गर्न आग्रह गर्न थाले। असरानीले राजेश खन्नाको लगभग २५ वटा फिल्ममा काम गरे।
उनले अमिताभ बच्चनका धेरै फिल्महरूमा अभिनेताको भूमिका निर्वाह गरे, जस्तै ‘अभिमान’ ९१९७३० मा ‘चन्दर’ र ‘चुपके चुपके’ (१९७५) मा प्रशान्त कुमार श्रीवास्तव। ‘छोटी सी बात’ (१९७५) मा नागेश शास्त्रीको उनको भूमिका पनि कम वीरतापूर्ण थिएन।
‘शोले’ मा, असरानीले एकल संवादले दर्शकहरूको ध्यान खिचे। ब्रिटिश युगको जेलरबारे उनको लाइन निकै चर्चित बनेको थियो। केही समयअघि उनले एक अन्तर्वार्तामा आज पनि मानिसहरूले मलाई जेलरको नामले चिन्ने बताएका थिए।
असरानी अन्तिम पटक २०२३ मा रिलिज भएका फिल्म ननस्टप धमाल र ड्रीम गर्ल २ मा देखिएका थिए। उनी सलमान खानसँग बडीगार्ड र क्युंकी जस्ता फिल्महरूमा र अक्षय कुमारसँग दे दाना दान, खट्टा मीठा, वेलकम, भूल भुलैया र भागम भाग जस्ता फिल्महरूमा पनि देखा परेका छन्।
उनी अभिनेत्री एकता जैनसँग आगामी फिल्म ‘खल्ली बाली’ मा देखिने तालिका थियो। उनी अक्षय कुमार अभिनीत फिल्म ‘भूत बंगला’ र ‘हैवान’ मा पनि देखिनेछन्, जसको छायांकन उनले हालै सकेका थिए।
प्रतिक्रिया