युनिकोड
नवीन चौहान निर्देशित फिल्म ‘ऊनको स्वीटर’ यो वर्षको पहिलो सुपरहिट फिल्म बनेको छ।
विपिन कार्की र मिरुना मगरको मुख्य भूमिका रहेको यस फिल्मले राम्रो व्यापार गर्दै २०८२ को पहिलो सुपरहिट फिल्म घोषित भएको हो।
गत वर्ष फागुन २९ गते रिलिज भएको ‘अञ्जिला’पछि कुनै पनि नेपाली फिल्महरुले राम्रो कमाइ गर्न सकिरहेका थिएनन्।
‘ऊनको स्वीटर’ मा दर्शकको उत्साहजनक उपस्थिति देखिएको छ। जसको आधारमा देशकै ठूलो मल्टिप्लेकस चेन क्युएफएक्सले यस फिल्मलाई सुपरहिटको मान्यता दिएको छ।
गत वैशाख २६ गतेबाट रिलिज यो फिल्म तेस्रो सातामा प्रदर्शनरत छ। दुई सातामा ८ करोड १० लाख कमाइ गरिसकेको फिल्मको तेस्रो सातामा पनि अकुपेन्ची राम्रो छ।
म्युजिकल फिल्ममार्फत मन जित्दै आएको आर्टमाण्डुको यो पहिलो फिचर फिल्म हो। साथै यसै फिल्मबाट चौहानले पहिलोपटक निर्देशनमा डेब्यु गरेका हुन्।
प्रतिक्रिया