युनिकोड
भारतीय उद्योगपति रतन टाटाको निधन भएको छ। ८६ वर्षको उमेरमा बुधबार राति टाटाको निधन भएको हो।
दिग्गज उद्योगपति रतन टाटाको निधनले भारतभर शोकको लहर छ। बलिउडदेखि उद्योगसम्म सबैले रतन टाटालाई श्रद्धाञ्जली अर्पण गरिरहेका छन्।
यसैबीच रतन टाटाकी महिला साथी सिमी ग्रेवालले पनि आफ्नो र उनको तस्बिर सेयर गर्दै सामाजिक सञ्जालमा लेखेकी छन्, ‘अलबिदा मेरो साथी!’
रतन टाटा : प्रेम अधूरै रहेपछि विवाह गरेनन्, व्यवसाय र परोपकारमा रमाएर ‘उपयोगी जीवन’ बिताए
सिमीसँग डेट गर्थे रतन टाटा
भारतीय सञ्चारमाध्यमका अनुसार एक समय रतन टाटा बलिउड अभिनेत्री सिमी ग्रेवालसँग डेट गर्थे। सिमी ग्रेवालले पनि एक पुरानो अन्तर्वार्तामा रतन टाटासँग आफ्नो सम्बन्ध रहेको स्वीकार गरेकी थिइन्।
उनले भनेकी थिइन्, ‘रतन र मेरो सम्बन्ध निकै पुरानो हो। उहाँ परपेक्सन हुनुहुन्छ। उहाँमा हास्य रस छ, उहाँ विनम्र हुनुहुन्छ र आदर्शवादी सज्जन व्यक्ति हुनुहुन्छ। पैसा उहाँका लागि कहिले प्रेरणा शक्ति बनेन...।’
सिमीले रतन टाटासँगको आफ्नो पुरानो तस्बिर सेयर गर्दै लेखेकी छन्, ‘मान्छेहरू तपाईं जानुभयो भन्छन्...तपाईंको बिदाइको पीडा सहन निकै कठिन छ...निकै कठिन...अलबिदा मेरो साथी...!’
हेर्नुहोस् सिमीको पोस्ट-
They say you have gone ..
— Simi_Garewal (@Simi_Garewal) October 9, 2024
It's too hard to bear your loss..too hard.. Farewell my friend..#RatanTata pic.twitter.com/FTC4wzkFoV
प्रतिक्रिया