युनिकोड
फिल्म ‘माइली’ मा गायिका कमला घिमिरे अनुबन्धित भएकी छिन। रुना इन्टरटेन्ट्मेन्टको ब्यानरमा बन्ने फिल्मबाट गायिका कमलाले फिल्मी अभिनयमा ‘डेब्यु’ गर्न लागेकी हुन्।
यो फिल्म बाबू साहेब बलामीको कन्सेप्ट र निर्देशनमा बन्न लागेको हो। निर्माणटिमले कमलाको फस्टलुक पोस्टर पनि सार्वजनिक गरेको छ।
सार्वजनिक पोस्टरलुकमा कमलालाई मन्द मुस्कानमा देख्न सकिन्छ। उनको पृष्ठभूमिमा एक महिलाले केही काम गरिरहेको देख्न सकिन्छ।
कमलाले आफूलाई संगीतमा झैं फिल्ममा पनि दर्शकले माया दिने आशा रहेको बताइन्। ‘दर्शकले मलाई फिल्ममा पनि माया र साथ दिनुहुनेछ जसरी गीत संगीतको क्षेत्रमा दिनु भएको थियो। आज मैले फिल्म गर्ने अबसर पाएँ, म सम्झिन चाहान्छु मेरा ति सुरुवाती दिनहरु जतिखेर मलाई दर्शक श्रोताले धेरै माया गरेर आज यो ठाउँ सम्म पुर्याउनुभयो’, उनले भनिन्।
निर्देशक बलामीले सत्य घटनामा आधारित हुने भनिएको फिल्ममा महिलाको पीडा देखाइने बताए।
‘दलित महिलाको श्रीमान नभएपछि समाजले ऊमाथि कस्तो दृष्टि लगाउछ रु उसका स–साना नाबालक छोरी हुर्काउन कति कठिन हुन्छरु यहि समाज जातियताको आडमा कसरी प्रताडित गर्छ भन्ने कथा फिल्ममा देखाइनेछ’, निर्देशक बलामीले भने।
फिल्म शंकर अधिकारी ‘घायल’को गीत र पटकथा, सम्बाद तथा राजेन्द्र बजगाइको संगीत रहनेछ। असारको अन्तिमबाट छायांकन गरिने फिल्म मकवानपुरको वीरखर्ग, कुलेखानी, काठमाडौं र दुबईमा खिचिनेछ।
प्रतिक्रिया