युनिकोड
प्रभाव स्टारर दक्षिण भारतीय फिल्म ‘सलार’ बहुप्रतिक्षित फिल्म हो। एक्सनरथ्रीलर जनरामा बनेको यो फिल्म २२ डिसेम्बरबाट प्रदर्शन हुँदैछ।
रिलिज मिति नजिकिएसँगै फिल्मको सेन्सर पास भएको छ। २ घण्टा ५५ मिनेट लामो यस फिल्मले सेन्सर बोर्डबाट ‘ए’ (एडल्ट) सर्टिफिकेट पाएको छ।
‘ए’ सर्टिफिकेट पाएसँगै अब यस फिल्मलाई १६ वर्ष माथिका उमेर समूहले मात्र हेर्न पाउनेछन्।
‘सलार स् पार्ट १-सीज फायर’ मा निकै फाइट र हिंसात्मक दृश्यहरु भएकाले सलारलाई ए सर्टिफिकेट दिइएको छ। जसले एक्सन मन पराउने दर्शकहरुलाई थप उत्साहित बनाएको छ।
हालै सलारको ट्रेलर सार्वजनिक गरिएको थियो। जसमा भरपूर एक्सन र फाइटका दृश्यहरु समावेश थिए। प्रशान्त नीलले यसअघि केजीएफ जबरजस्त एक्सन दिइसकेका छन्। सलारमा पनि दमदार एक्सन हुने बताइएको छ।
प्रशान्त नीलको निर्देशनसहित कथा र पटकथा रहेको यो फिल्म तमिलसहित मलयालम, तेलुगु, कन्नड र हिन्दी भाषामा रिलिज हुनेछ।
फिल्ममा प्रभास, टीनु आनन्द, पृथ्वीराज सुकुमारन, श्रुति हसन र जगपनि बाबुको पनि अभिनय छ। प्यान इण्डिया फिल्म ‘सलार’ शाहरुख खानको ‘डंकी’ सँग बक्सअफिसमा भिड्दैछ।
प्रतिक्रिया