अक्षयकुमारको ‘हाउसफुल ५’ सन् २०२५ को जुन ६ मा रिलिज हुने

अक्षयकुमारको मुख्य भूमिका रहेको बलिउड फिल्म ‘हाउसफुल ५’ को नयाँ प्रदर्शन मिति तय भएको छ। यो फिल्म सन् २०२५ को जुन ६ मा रिलिज हुनेछ।

यसअघि यो फिल्म सन् २०२४ को दिपावलीको अवसरमा रिलिज हुने तय गरिएको थियो। तर, अक्षयले एक्समा फिल्मको नयाँ पोस्टर सेयर गर्दैँ मिति सरेकोबारे पुष्टि गरे। फिल्मको कथाअनुसार उच्च स्तरको भिएफफएक्स राख्न नयाँ मिति तय गरिएको बताइको छ।

तरुण मनसुखानीको निर्देशन रहेको फिल्ममा अक्षयका साथै रितेश देशमुख, नोरा फतेही, सौन्दर्या शर्मा लगायतको अभिनय रहेको छ।

यो फिल्म चर्चित फिल्म ‘हाउसफूल’ को सिरिज हो। हाउसफुलको पहिलो पार्ट सन् २०१० मा रिलिज भएको थियो। जुन फिल्ममा अक्षयसहित रितेश देशमुख, लारा दत्त, दीपिका पादुकोण, बोमन इरानी, अर्जुन राजपालको अभिनय थियो।