युनिकोड
अभिनेता अनमोल केसीको मुख्य भूमिका रहेको फिल्म ‘फर्की फर्की’ को छायाङ्कन सुरु भएको छ।
सोमबार बिहानदेखि पोखराको लेकसाइटमा फिल्मको सुटिङ धमाधम भइरहेको छ।
फिल्मका निर्माता रोहित अधिकारीले आज बिहानबाट छायाङ्कन सुरु गरिएको जानकारी दिए। गत शुक्रबार ललितपुरको पाटनस्थित बंगलामुखी मन्दिरमा फिल्मको शुभमुहूर्त गरिएको थियो।
सुयोग गुरुङको निर्देशन रहेको फिल्ममा अनमोलसहित जसिता गुरुङ, नवकलाकारद्वय समृद्धि अर्याल र रवि काफ्लेको अभिनय रहेको छ।
लभस्टोरी जनरामा बन्ने फिल्मको पोखरासहित काठमाडौं लगायतका क्षेत्रहरुमा छायाङ्कन हुनेछ। यो फिल्म अधिकारीसहित ओएसआर डिजिटलको लगानीमा बन्न लागेको हो।
नरेन्द्र मैनालीले खिचिरहेको फिल्म अर्को वर्ष जेठ ११ गते रिलिज हुँदैछ।
प्रतिक्रिया