युनिकोड
बलिउडकी बाल कलाकार रुहानिका धवनले मुम्बईमा घर किनेकी छन्। उनले सामाजिक सञ्जालमार्फत आफ्ना फ्यानहरुसँग घर किनेको खुसी बाँडेकी छन्। घरका तस्बिर सेयर गर्दै रुहानिकाले भावुक क्याप्सन लेखेकी छन्।
नयाँ घरमा रुहानिका आफ्नो परिवारसँग निकै खुसी देखिएकी छन्। उनले आफ्नो सफलताको श्रेय आमालाई दिएकी छन्। उनले मेहनत गरेर आफ्ना सपना पूरा गर्ने बताएकी छन्।
स्टार प्लसको चर्चित टीभी शो ‘ये है मोहब्बतें’ मा देखिएकी रुहानिका धवन उर्फ ‘छोटी रुही’ले आफ्नो अभिनयले हरेक घरमा छुट्टै पहिचान बनाएकी छन् । यही लोकप्रियताका आधारमा उनी आज आफ्ना सबै सपना पूरा गरिरहेकी छन्। १५ वर्षको उमेरमा उनले मुम्बईमा आफ्नै ३ बीएचके फ्ल्याट किन्न सफल भएको भारतीय सञ्चारमाध्यमले जनाएका छन्।
आफ्नो सफलताको श्रेय आफ्ना आमाबुवालाई दिँदै उनले लेखेकी छन्, ‘मेरा आमाबुवाको आशीर्वादले आज म तपाईंसँग मेरो खुसी बाँडिरहेको छु। नयाँ सुरुवातका लागि म धेरै उत्साहित छु। मैले आज मेरो एउटा सपना पूरा गरेको छु। मलाई यो सपना पूरा गर्न सहयोग गर्ने सबै सबैप्रति म र मेरा अभिभावकहरू धेरै आभारी छौँ।’
उनले घर किन्ने पैसा जम्मा गर्न ७/८ वर्ष लागेको बताएकी छन्।
आफ्नी आमाबारे कुरा गर्दै रुहानिकाले भनेकी छन्, ‘मेरी आमा, जसले हरेक पैसा बचत गरेर दोब्बर पार्नुहुन्छ। केवल भगवान् र उहाँ जान्नुहुन्छ - उहाँ कसरी यो गर्न प्रबन्ध गर्नुहुन्छ? मलाई रोक्ने कोही छैन। यो केवल सुरुवात हो। मैले पहिलेदेखि नै ठूलो सपना देखेको छु। म मेरो सपना पछ्याउनेछु र अझै कडा मेहनत गर्नेछु। यदि म यो गर्न सक्छु भने, तपाईं पनि गर्न सक्नुहुन्छ। त्यसैले सपना देख्नुहोस्, आफ्नो सपना पूरा गर्ने प्रयास गर्नुहोस् । एक दिन यो अवश्य साकार हुनेछ।’
प्रतिक्रिया