युनिकोड
अभिनेत्री मलाइका अरोरा पछिल्लो समय ओटीटी शो ‘मुभिङ इन विथ मलाइका’का कारण चर्चामा छिन्। शोको पछिल्लो एपिसोडमा उनले आफ्नो दोस्रो विवाहको योजना खुलाएकी छन्। उनले आफ्नी बहिनी अमृता अरोराको पनि विवाहको तयारीमा रहेको बताएकी छन्।
मलाईकाले आफ्नो चाँडै विवाह हुने जानकारी दिएकी छन्। उनले आफ्नो विवाहमा आमाको हिराको ब्रेसलेट पनि लिने बताएकी छन्। तर उनले कहिले र कोसँग विवाह गर्ने भन्ने कुरा खुलाएकी छैनन्।
मलाइका अरोराले सन १९९८ मा अभिनेता अरबाज खानसँग विवाह गरेकी थिइन्। १९ वर्षे वैवाहिक जीवनमा पूर्णविराम लगाउँदै मलाइकाले सन् २०१७ मा खानसँग सम्बन्ध विच्छेद गरेकी थिइन्। त्यसयता एकल जीवन बिताइरहेकी मलाइकाले दोस्रोपटक विवाह गर्न लागेकी हुन्।
मलाइका र अरबाजका एक छोरान अरहान छन्। सम्बन्ध विच्छेदपछि पनि मलाइका र अरबाज प्रायः छोरासँग भेटिइरहन्छन्। मलाइकाले सम्बन्ध विच्छेदका बेला अरबाजसँग १५ करोड भारु लिएकी थिइन्।
डिभोर्सपछि मलाइका अभिनेता अर्जुन कपूरसँग डेट गरिरहेकी छन् भने अरबाज खान मोडल जर्जिया एन्ड्रियानीसँग डेट गरिरहेका छन्। केही समयअघि मात्रै अरबाज र जर्जियाको ब्रेकअपको खबर बाहिर आएको थियो।
प्रतिक्रिया