विवाहअघिको फोटो सेसनमा यसरी भयो नागरिकता कानुनको विरोध (फोटोफिचर)

भारतका एक जोडीले आफ्नो विवाह पूर्वको फोटो सेसनमा भारतमा हालै सरकारले ल्याएको नागरिकता कानुनको विरोध गरेका छन्।

भारतको केरला राज्यको तिरुवनन्तपुरम निवासी जीएल अरुण गोपी र आशा शेखरको जाेडीले हालसालै विवाहपूर्वको फोटो सुट गराए। ‘फर्स्ट लुक फोटोग्राफी’ले उनीहरूको फेसबुक पेजमा जोडीको फोटो सेयर गरेपछि उनीहरुको फोटो अहिले सामाजिक सञ्जालमा भारइल बनिरहेको छ।

आशा र अरुणको विवाह २०२० को जनवरी ३१ का लागि तय भएको छ। विवाह अगाडि नै गरिएको फोटोसुटमा उनीहरुले सीएए र एनआरसीको विरोध गरेका छन्। यी फोटोहरू फेसबुकमा पोस्ट गर्दै उनीहरुले क्यापसनमा लेखेका छन्, ‘हामी सँगै छौं। त्यसकारण देश पनि सँगै हुनुपर्छ।

अहिले भारतभर सीएए र एनआरसीलाई लिएर विरोध प्रदर्शन भइरहेको छ। सरकारविरोधी यो प्रदर्शनमा अहिलेसम्म २३ जनाभन्दा बढीले ज्यान गुमाएका छन् भने सयौँ घाइते र हजारौँलाई पक्राउ गरिएको छ।

भारतमा जारी आन्दोलनलाई समर्थन गर्दै उनीहरुले सो फोटो सेसनमा ‘नो सीएए’ र ‘नो एनआरसी’ लेखिएको प्लेकार्ड बोकेर उभिएका छन्।

 एनआरसीले धार्मिक उत्पीडनको कारण पाकिस्तान, अफगानिस्तान, बंगलादेशबाट भारत आएका हिन्दू, इसाई, सिख, पारसी, जैन र बौद्धलाई नागरिकता प्रदान गर्ने काम गर्दछ भने एनआरसीले वैध नागरिकको रेकर्य राख्दै अवैध अवैध बासिन्दाहरुलाई देश निकाला गर्ने काम गर्दछ।