अनुप बरालको ‘दोख’ असारमा

निर्देशक अनुप बरालको चलचित्र ‘दोख’को पहिलो पोस्टर सार्वजनिक भएको छ।

पहिलो पोस्टर सार्वजनिक गर्दै चलचित्रको प्रदर्शन मिति पनि सार्वजनिक गरिएको छ। यो चलचित्र आगामी असार २४ गतेबाट अल नेपाल रिलिज हुने भएको छ। 

चलचित्र ‘दोख’ले सामुदायिक बनको मुद्दालाई लिएर २ गाउँबीच हुने किचलोलाई प्रस्तुत गर्नेछ। तर, चलचित्रको कथा भने माओवादी युद्धकै कालखण्डको वरिपरी घुमेको छ। 

मनोज अधिकारीले निर्माण गरेको चलचित्र शैलेन्द्र डी कार्कीले छायांकन गरेका हुन्।  निमेष श्रेष्ठको सम्पादन रहेको यो चलचित्रलाई राजन कटैतले लेखेका छन्।

चलचित्रमा दिया मास्के, मनिष निरौला, लोकमणि सापकोटा, माओत्से गुरुङ, रोय दिभ, कमल देवकोटा, सजन थापामगर लगायतका कलाकारको अभिनय छ।