कला


सुटिङ गर्न अनुपम खेरसहित बलिउड कलाकार टोली काठमाडौंमा (भिडिओ)

सुटिङ गर्न अनुपम खेरसहित बलिउड कलाकार टोली काठमाडौंमा (भिडिओ)

नेपालखबर
असोज १९, २०७८ मंगलबार ७:३६, काठमाडौँ

फिल्म सुटिङका लागि अनुपम खेरसहितको बलिउड कलाकारको टोली काठमाडौं आइपुगेको छ।

हिन्दी सिनेमा ‘उचाइ’ छायांकन गर्न आफूसहित अभिनेत्री परिणिती चोपडा, अभिनेता बोमन इरानी, सारिका हसनलगायत कलाकार आइतबार काठमाडौं आइपुगिएको जानकारी कालकार खेरले ट्विटरमार्फत दिएका हुन्। 

ट्विटरमा उनले आफूहरू विमानमार्फत काठमाडौं अवतरण गर्दै गरेको भिडिओ हालेका छन्।

हेर्नुहोस् : 

उनले नेपालमा छायांकन हुने यो फिल्म उनको करियरको ५२०औं फिल्म भएको जानकारी पनि दिएका छन्। 

यस्तै कलाकार अनुपम खेरले आज (मंगलबार) बिहान पशुपतिनाथ मन्दिरको दर्शन गरेको जानकारी पनि दिएका छन्। 

उनले लेखेका छन्, ‘प्राचीन मन्दिर पशुपतिनाथको दर्शन गर्दै सबैको कल्याण, स्वास्थ्य र शान्तिका लागि प्रार्थना गरियो...।’ 

फिल्म ‘उचाइ’ को टोली झन्डै ४० दिन नेपालमा रहने बताइएको छ।

बलिउडका स्थापित निर्देशक सुरज बडजात्याको निर्देशनमा  राजश्री प्रोडक्सनले ‘उचाइ’ फिल्म बनाइरहेको हो।

जसमा अभिनेता अमिताभ बच्चन र डेनी डेन्जोङ्पाको अभिनय रहने भए पनि उनीहरू नेपाल आइपुगेका छैनन्।

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .