युनिकोड
झापाको हल्दिबारी गाउँपालिकाको प्रमुख र उपप्रमुख दुवैमा राष्ट्रिय प्रजातन्त्र पार्टीका उम्मेदवार विजयी भएका छन्। अध्यक्षमा रवीन्द्र लिङ्देन र उपाध्यक्षमा लक्ष्मी मैनाली विजयी भएका हुन्।
रवीन्द्रले ५८५६ मत ल्याए भने उनका प्रतिस्पर्धी एमालेका डम्बर गिरीले ४२०५ मत मात्र पाए । यस्तै उपाध्यक्षमा निर्वाचित मैनालीले ४४१९ मत ल्याइन् भने उनकी प्रतिस्पर्धी एमालेकी शान्तिदेवी गौतमले ३६९७ मत पाइन् ।
सत्ता गठबन्धन र एमालेलाई पराजित गर्दै राप्रपाले हल्दिबारीमा जित निकालेको हो। लिङ्देन ०७४ को निर्वाचनमा पनि ३ हजार ९ सय ४३ मतसहित विजयी भएका थिए।
उपप्रमुखमा भने लक्ष्मी मैनाली विजयी भएको राप्रपा प्रवक्ता मोहन श्रेष्ठले बताएका छन्। यो सँगै राप्रपाले यो निर्वाचनमा २ वटा स्थानिय तहमा जित निकालेको छ।
यसअघि राप्रपाले काठमाडौंको शंखरापुर नगरपालिकामा विजय निकालेको थियो।
प्रतिक्रिया