युनिकोड
विश्वव्यापी प्रविधि कम्पनी बोस्चको एक विभाग बोस्च पावर टुल्स नेपालस्थित आधिकारिक वितरक इन्फ्राटेक प्रालिमार्फत दराज नेपालको ११:११ अभियानमा सहभागी हुँदै छ।
अभियानमार्फत पेशेवर तथा गृह निर्माण र डीआईवाई (आफ्नै हातले निर्माण गर्ने) रुचाउने ग्राहकहरूलाई उच्च गुणस्तर र उच्च प्रदर्शन गर्ने पावर टुल्समा १५ प्रतिशतसम्मको छुट पाउने मौका उपलब्ध हुनेछ।
नेपालको प्रमुख ई–कमर्स प्लेटफर्म दराजमा उपलब्ध यस अभियानले निर्माण, अटोमोबाइल, र घर सुधारका लागि बोस्च पावर टुल्सको विस्तृत शृंखला प्रस्तुत गर्ने कम्पनीले जनाएको छ।
साथै, फास्टेस्ट फिङ्गर फर्स्ट अफरमा २२ हजार ९०० रुपैयाँ मूल्यको प्रेसर वाशर केवल ११ रुपैयाँमा पाउने अवसर पनि उपलब्ध हुने कम्पनीको दाबी छ। ग्राहकहरूले यस अभियानमा यस्ता लोकप्रिय उपकरणहरू पनि अन्वेषण गर्न सक्नेछन्:
अभियानमा प्रस्तुत उत्पादनहरू यस्ता छन्:
• बोस्च जीडब्लुएस ६०० – सानो र किफायती एङ्गल ग्राइन्डर, सटीक र साँघुरो ठाउँका कामका लागि ।
• बोस्च जीएसबी ४५० इम्प्याक्ट ड्रिल – माथिल्लो स्थान र सीमित ठाउँमा काम गर्न सक्षम, सानो तर शक्तिशाली ड्रिल ।
• बोस्च जीबीएच २-२३ आरईए रोटरी ह्यामर – धुलो कम हुने र दक्ष ड्रिलिङका लागि एसडीएस-प्लस रोटरी ह्यामर ।
• बोस्च जीएसबी १३ आरई इम्प्याक्ट ड्रिल किट सेट – बहुप्रयोगीय इम्प्याक्ट ड्रिल किट, विभिन्न उपकरणहरूसहित ।
• बोस्च जीएलएम ४० लेजर रेंजफाइन्डर – छिटो र सटीक नापका लागि कम्प्याक्ट मापन उपकरण ।
यस ११:११ अभियानमार्फत बोस्च पावर टुल्सले आफ्नो विश्वव्यापी गुणस्तर, टिकाउपन र नवप्रवर्तनको प्रतिष्ठा बलियो बनाउँदै नेपालका ठूलो निर्माण कम्पनीहरूदेखि व्यक्तिगत कारीगरहरूसम्म, ग्राहकहरूलाई उत्पादन र प्रदर्शन सुधार्न आवश्यक उपकरण उपलब्ध गराउँछ ।
नेपालमा बोस्च पावर टुल्स वि.स. २०७३ देखि यसको एक मात्र आधिकारिक वितरक इन्फ्राटेक प्रा. लि. मार्फत वितरण हुँदै आएका छन्।
कम्पनीका राष्ट्रिय नेटवर्कका रुपमा नेपालभरि १०० बढी आधिकारिक उपवितरक छन्। त्यसैगरी १०० भन्दा बढी निर्माण कम्पनी, ५० उद्योग, र २५ धातु कार्यशालाहरूले प्राथमिकता दिएको कम्पनीले उल्लेख गरेको छ।
एक वर्षको वारेन्टीसहितका भरपर्दो उपकरणहरू रहेकोले ग्राहकहरूले यी सीमित समयका अफरहरू नोभेम्बर ११ देखि दराजमा मात्र लाभ उठाउन सक्नेछन्।
प्रतिक्रिया