युनिकोड
सुजुकी मोटरसाइकलको आधिकारिक बिक्रेता भिजी अटोमोबाइल्सको व्यापार ३ प्रतिशतले बढेको छ।
२०२० को तुलनामा २०२१ मा ३ प्रतिशतले बढाउँदै ४ हजार ४५६ वटा सवारी बिक्री गरेको छ।
२०२० मा कम्पनीले ४ हजार २४० वटा मात्रै बिक्री गरेको थियो।
कम्पनीले २०१९ मा १ अर्ब ८८ करोड रुपैयाँको कारोबार गरेकोमा २०२० मा १ अर्ब २१ करोडमा झरेको थियो। २०२० मा कोभिडको कारण व्यापार घटेको कम्पनीको २०२१ मा १ अर्ब २५ करोड कारोबार भएको छ।
कम्पनीले सुजुकीका मोटरसाइकल तथा स्कुटर बाहेक अटुल अटोका तीनपांग्रे, मोटुल ब्रान्डको लुब्रिकेन्टस् समेत बिक्री गर्दैै आएको छ।
कम्पनीका हाल नेपालभर ५८ वटा २ पांग्रेका डिलर, १४ वटा ३ पांग्रेका डिलर र ६६ वटा मोटुल लुब्रिकेन्ट्सका डिलर रहेका छन्। कम्पनीले २०२१ मा आफ्ना ३ वटा शोरुम रहेका छन्। कम्पनीले ३ हजार ९४८ डिलरबाट र ५०८ वटा आफ्नै शोरुमबाट बिक्री गरेको छ।
प्रतिक्रिया