युनिकोड
तीनवटा जहाजमार्फत मंगलबार स्वास्थ्य सामग्री काठमाडौं आउँदै छ।
नेपाल एयरलाइन्सको वाइडबडीले ४ सय अक्सिजन सिलिन्डरसहित हिमालय एयरलायन्सले पनि स्वास्थ्य सामग्री ल्याउनलागेको हो।
चीनले अनुदानमा दिएको अक्सिजन सिलिन्डर लिन नेपाल एयरलायन्सको जहाज सोमबार राति बेइजिङ गएको छ। त्रिभुवन विमानस्थलका अनुसार दिउँसो साढे २ बजे काठमाडौं आउने कार्यतालिका रहेको छ।
नेपाल वायुसेवा निगमका फ्लाइट अप्रेसन निर्देशक दीपु ज्वारचनले ४ सय थान अक्सिजन सिलिन्डर, १० थान भेन्टिलेटर र १७३ थान अक्सिजन कन्सन्ट्रेटर ल्याइने बताए।
त्यसबाहेक हिमालय एयरलाइन्सले कुनमिङबाट कार्गो सामग्री ल्याएको छ भने ढाकाबाट साँझ ७ बजे स्वास्थ्य सामग्री ल्याउँदै छ।
हिमालय एयरलाइन्सका उपाध्यक्ष विजय श्रेष्ठका अनुसार नेपालस्थित बंगलादेश राजदूतावासका कर्मचारी बोकेर ढाका गए पनि आउँदा कार्गो स्वास्थ्य सामग्री ल्याउनेछ।
हिमालय एयरलाइन्सको अर्को कार्गो उडान साँझ ८ बजे कुनमिङमा हुँदै छ।
त्रिभुवन विमानस्थलका अनुसार ट्रान्जिटको रुपमा दुई उडान हुँदै छन्। टाइरोल एयर एम्बुलेन्स दुवई–काठमाडौं–लखनऊ छ भने कतार एक्जुकेटिभ दोहा–काठमाडौं–मस्को उडान हुँदै छ।
प्रतिक्रिया