युनिकोड
एनआइसी एसिया बैंकअन्तर्गतको एनआइसी एसिया रेमिट सेवामा चाडपर्व लक्षित योजना सार्वजनिक गरिएको छ। उक्त योजनाअन्तर्गत कम्पनीले एकपटक रेमिट गरेपछि ग्राहकलाई अर्को पटक सित्तैमा रेमिट सेवा उपलब्ध गराउने भएको हो।
यो सेवा भदौ १ गतेदेखि असोज ३० गतेसम्म लागू हुने कम्पनीले जनाएको छ। चाडपर्वलाई धयान दिँदै बैंकले यो सेवा उपलब्ध गराउने जानकारी गराएको हो।
उक्त रेमिट सेवाबाट आएको विप्रेषण रकम यस बैंकका देशभर फैलिएको दुई सय ९५ शाखा कार्यालय, ९७ वटा एक्सटेन्सन काउण्टर, ४१ वटा शाखारहित बैंकिङ इकाइ एवं नौ हजार सहायक प्रतिनिधिमार्फत भुक्तानी लिनसक्ने जनाएको छ।
यो सेवाले ग्राहकले रकम पठाउँदा उच्चतम लाभ हुने र झन्झटरहित तरिकाबाट धेरै शाखा सञ्जाल भएको यस बैंकमार्फत सजिलै रकम पठाउन र निकाल्न सकिने विश्वास बैंकले लिएको छ।
प्रतिक्रिया