पर्यटन बोर्डको रिक्त सदस्यमा ३ जना पर्यटन व्यवसायी नियुक्त भएका छन्।
छनोट समितिको सिफारिस गरेका ५ जनामध्ये ३ जना नियुक्त भएका हुन्।
सदस्यमा टे«किङ एजेन्सिज एसोसिएन अफ नेपाल (टान)का पूर्वअध्यक्ष चन्द्र रिजालसहित पर्यटन व्यवसायी कृष्ण कुमार शाह र ङावा ङिमा शेर्पा नियुक्त भएका हुन्।
छनोट समितिमा संस्कृति पर्यटन तथा नगारिक उड्डयन मन्त्रालयका सहसचिव तारानाथ अधिकारीको संयोजकत्वमा पर्यटन बोर्डका पूर्व सदस्य पूर्णबहादुर कुँवर र राजेन्द्र सापकोटा रहेका थिए।
‘पर्यटन व्यवसायी चन्द्र रिजाल, कृष्ण कुमार शाह र ङावा ङिमा शेर्पा आज पर्यटन बोर्ड सदस्यमा नियुक्त हुनुभएको छ,’ मन्त्रालयका प्रवक्ता समेत रहेका अधिकारीले भने।
प्रतिक्रिया