युनिकोड
अमेरिकाबाट तत्काल नेपाल आउनैपर्ने अवस्थामा रहेका नेपालीलाई ल्याउन चार जहाजको व्यवस्था गरिएको छ।
अमेरिकास्थित नेपाली दूतावासका अनुसार त्यसका लागि यही असार ९ र ११ गते २-२ वटा गरी ४ जहाजले नेपाल उडान गर्नेछन्।
असार ९ गते न्युयोर्कबाट टर्किस एयरलाइन्स र वासिङटनबाट कतार एयरवेज नेपाली लिएर काठमाडौं जाने दूतावासले जानकारी दिएको छ।
यस्तै असार १३ गते सिकागोबाट टर्किस एयरलाइन्स र ड्यालसबाट कतार एयरवेजले नेपाल उडान गर्नेछन्।
हवाई भाडा भने यात्रुले आफैंले तिर्नुपर्ने दूतावासको सूचना (तल सूचना राखिएको छ) मा उल्लेख छ।
सूचनाअनुसार टर्किस एयरलाइन्सले १५ सय ३७ डलर अर्थात् १ लाख ८६ हजार ४ सय ९९ रुपैयाँ तथा कतार एयरवेजले १६ सय डलर अर्थात् १ लाख ९४ हजार १ सय ४४ रुपैयाँ भाडा तोकेका छन्।
दूतावासका अनुसार नेपाल फर्किन चाहने नेपालीले भरेका अनलाइन फारामका आधारमा प्राथमिकता निर्धारण गरिएको छ।
नेपाल फर्किन पासपोर्ट र अन्य ट्राभल डकुमेन्ट र कोरोना नलागेको स्वास्थ्य जाँचको प्रमाणपत्र पेस गर्नुपर्नेछ। नेपाल आइसकेपछि पनि सरकारले तोकेअनुसार क्वरेन्टिनमा बस्नुपर्ने नियम छ।
प्रतिक्रिया