युनिकोड
सरकारले लकडाउनका कारण जापान जानबाट रोकिएका ६ सय नेपाली र हङकङको आईडी प्राप्त नागरिकलाई चार्टर्ड फ्लाइटमार्फत पठाउने भएको छ।
शुक्रबार प्रधानमन्त्री तथा मन्त्रिपरिषदको कार्यालयमा बसेको कोभिड १९ रोकथाम, नियन्त्रण एवं उपचार उच्चस्तरीय समितिको बैठकले लकडाउनका कारण जापन र हङकङ जानबाट रोकिएकाहरुलाई चार्टर्ड फ्लाइटमार्फत पठाउने निर्णय गरेको प्रधानमन्त्री तथा मन्त्रिपरिषद् कार्यालयका सचिव नारायण प्रसाद बिडारीले बताए।
सचिव बिडारीका अनुसार लकडाउनका कारण जापान जानबाट रोकिएका ६ सय र हङकङको आइडी प्राप्त नागरिकलाई स्वास्थ्य परीक्षण, अध्यागमन प्रक्रिया पूरा गरी पठाउने निर्णय भएको हो।
चार्टर्ड फ्लाइट कहिले हुने र खर्च कसले व्यहोर्ने भन्ने विषयमा उनले केही बताएनन्।
प्रतिक्रिया