पहिलो दिन सेयरबजारमा देखिएन उत्साह, घट्यो नेप्से

साताको पहिलो कारोबार दिन नै सेयरबजारमा गिरावट आएको छ। 

नेपाल स्टक एक्सचेन्जका अनुसार नेप्से २१.४८ अंकले घटेर २६०९.६९ विन्दुमा झरेको हो। 

यस दिन कुल ५ अर्ब ३३ करोडको सेयर किनबेच भएको छ। १ करोड कित्ता खरिदबिक्रीपछि यो परिमाणमा कारोबार भएको हो। 

आइतबार ४६ वटा सेयरको मात्रै मूल्य बढ्यो। २०४ वटाको भने घट्नपुगेको छ। त्यस्तै ८ वटाको अघिल्लो मूल्यमै कारोबार भएको छ। 

यस दिन स्वस्तिक लघुवित्तको र श्रीनगर एग्रिटेकका लगानीकर्ताले १० प्रतिशत कमाउँदा झापा इनर्जी, मेन्छियाम हाइड्रोका लगानीकर्ताले क्रमशः ९.९९ प्रतिशत र ५.३७ प्रतिशत कमाएका छन्। 

यता बुंगल हाइड्रो, माबिलुङ इनर्जी, सागर डिस्टिलरी, मिथिला लघुवित्त र नारायणी विकास बैंकका लगानीकर्ताले ५.२१ प्रतिशतदेखि ८.५१ प्रतिशतसम्म प्रतिसेयर नोक्सानी व्यहोरेका छन्। 

आज सागर डिस्टिलरीको सर्वाधिक ४३ करोडको कारोबार भएको छ भने दोस्रो धेरै कारोबार ङादी ग्रुप पावरका लगानीकर्ताले गरेका छन्। कम्पनीको ३२ करोडको किनबेच भएको हो।