सेयरबजारमा सुधार, १९७ वटा सेयरको मूल्य बढ्यो

सेयरबजारमा आज १३.८० अंकको सुधार आएको छ। नेप्से उक्त अंकले बढेर २५६४.१६ विन्दुमा पुगेको हो। 

मंगलबार १९७ वटा सेयरको मूल्य बढेको छ भने ५१ वटाको घटेको र ८ वटाको अघिल्लो मूल्यमा कारोबार भएको नेपाल स्टक एक्सचेन्जले जनाएको छ। योसँगै कुल कारोबार आज ४ अर्ब रुपैयाँको पुगेको छ। 

लगानीकर्ताले आज ९१ लाख ९५ हजार कित्ता सेयर खरिदबिक्री गरेका हुन्। 

आजको कारोबारमा सागर डिस्टिलरी र माबिलुङ इनर्जीको सेयरमा सकारात्मक सर्किट लागेको छ भने बुंगल हाइड्रो, झापा इनर्जी र बन्दीपुर केबलकार ९ प्रतिशत माथि दरले बढेका छन्। 

एभरेस्ट बैंकको डिबेन्चर भने सर्वाधिक ३.५४ प्रतिशतले घटेको छ। 

कारोबारमा आज साहस ऊर्जा अगाडि छ। कम्पनीको २२ करोडको कारोबार भएको हो।