युनिकोड
नेपाल डेभलपमेन्ट पब्लिक लिमिटेड (एनडीपी)को पहिलो वार्षिक साधारणसभा शुक्रबार काठमाडौँमा सम्पन्न भएको छ।
सभाले सार्वजनिक–निजी साझेदारीमार्फत सरकारी तथा गैर सरकारी कोषसँग मिलेर ठूला र रोजगारमुलक परियोजनामा लगानी बढाउने निर्णय गरेको छ।
अध्यक्ष चन्द्रप्रसाद ढकालले जलविद्युत, पर्यटन, सूचना प्रविधि, कृषि र साना–मझौला उद्योगमा लगानी विस्तार गरी ग्रामीण क्षेत्रमा रोजगारी सिर्जना गर्ने योजना सार्वजनिक गरे। उनले भने, ‘ठूला र रणनीतिक उद्योगमा लगानी गर्दै मुलुकको अर्थतन्त्र लयमा ल्याउन, आर्थिक गतिविधि अघि बढाउन र रोजगारी सिर्जना गर्न सक्छौं।’
ढकालले स्वदेशी र गैर आवासीय नेपाली लगानीकर्ताबाट व्यापक चासो देखिएको उल्लेख गर्दै, उद्योग÷व्यवसाय स्थापना, सञ्चालन र विस्तारका लागि परामर्श सेवा दिने योजना रहेको जानकारी दिए।
स्थापना भएको एक वर्षमै कम्पनीको कुल पुँजी १० अर्ब रुपैयाँ पुगेको छ र ४६ जिल्लाका २४६ जना शेयरधनी यसमा सहभागी छन्। कम्पनीले देशभरका उद्यमी र गैर आवासीय नेपालीको लगानी समेटेर आर्थिक विकासमा योगदान पुर्याउने लक्ष्य राखेको छ।
प्रतिक्रिया