युनिकोड
विश्वमा कोरोनाभाइरसको महामारी चलिरहँदा अमेरिकाका दुई चर्चित अर्बपतिले भने १० प्रतिशत बढी सम्पत्ति जोड्न सफल भएका छन्।
रोयटर्सका अनुसार अर्बपतिद्वय जेफ बेजोस र एलन मस्कको सम्पत्ति झण्डै १० प्रतिशतले बढेको हो। यससम्बन्धी रिपोर्ट इन्स्टिच्युट फर पोलिसी स्टडिज(आईपीएस)ले निकालेको छ।
अमेरिकामा करिब २ करोड २० लाखले रोजगारी गुमेको भन्दै सरकारसँग राहत मागिरहँदा दुई अर्बपतिको सम्पत्ति उल्लेख्य वृद्धि भएको हो। महामारीका कारण विश्व नै बन्दप्रायः हुँदा केही कम्पनी र धनीहरुलाई भने फाइदा पुगेको छ।
केही हप्तायता भिडियो सेवाप्रदायक जुमका ग्राहक तीव्रगतिमा बढेका छन्। यी कम्पनीहरुको स्वामित्व लिने धनाढ्यहरुलाई यसले फाइदा पुगेको हो। उक्त रिपोर्टका सहलेखक चक कोलिन्सका अनुसार जनवरी १ देखि अप्रिल १० सम्म अमेरिकाका ३४ अर्बपतिको सम्पत्ति लाखौँ डलरले बढेको छ।
त्यसमध्ये आठ जना अर्बपतिहरुमा अमेजनका जेफ बेजोस, जुमका एरिक युआन र टेस्लाका एलन मस्कको ढुकुटीमा सम्पत्ति झण्डै १ अर्ब डलर थपिएको छ।
प्रतिक्रिया