युनिकोड
लगानीकर्ता पर्ख र हेरको अवस्थामा पुग्दा नेप्से सूचकसँगै कारोबार रकम खुम्चिन पुगेको छ।
बिहीबार २.२५ अंकसहितको नेप्सेमा सामान्य गिरावट देखिँदा सूचक २६५२ अंकमा ओर्लिएको हो। यो साता ३ दिन कारोबारमा आएको बजारमा एक दिन १११ अंकले बढे पनि त्यसपछिका २ दिन लगातार घटेको हो।
बुधबार २७.८९ अंकले नेप्से घटे पनि बिहीबार २.३५ प्रतिशत घटेको छ।
लगानीकर्ताले पछिल्लो दुई कारोबार दिनको बजार हेरेर पर्ख र हेरको रणनीति अपनाएका छन्।
बिहीबार सेयर बिक्री गरेर दशैँअगाडि नै खर्च जुटाउन नसक्ने भएपछि आज लगानीकर्ताले कारोबार ३ अर्ब २६ करोड मात्रैको कारोबार गरेका हुन्। मंगलबार ५ अर्बको कारोबार भएको ४ अर्बको बराबरको कारोबार भएको थियो।
समग्रमा यो साता कारोबारमा आएका ३२७ कम्पनीको सेयरमध्ये १०७ वटाको मूल्य बढ्दा १३९ वटाको मूल्य घटेको हो।
जसमा हिमस्टार ऊर्जाको मूल्यमा सकारात्मक सर्किट लागेको छ भने अन्यको सामान्यले मात्रै बढेको छ। घट्नेमा पनि आज सिटी होटल अगाडि छ।
यो कम्पनीको ७ प्रतिशतले मूल्य घटेको छ। यस्तै यो दिन नेपाल पुर्नबिमाको सबैभन्दा धेरै सेयर खरिदविक्री भएको छ। यो कम्पनीको कुल ३० करोडको सेयर कारोबार भएको हो।
प्रतिक्रिया