युनिकोड
ग्रामीण विकास लघुवित्त वित्तीय संस्था लि.को आ.व. २०८०/८१ अवधिको दशौँ वार्षिक साधारणसभा शनिबार बुटवलमा सम्पन्न भएको छ।
भौतिक तथा भर्चुअल/विद्युतीय माध्यममार्फत सञ्चालक समितिका अध्यक्ष भरतराज कोइरालाको अध्यक्षतामा साधारणसभा गरिएको हो।
सभामा सञ्चालक समितिको तर्फबाट अध्यक्षले वार्षिक प्रतिवेदन प्रस्तुत गरेका थिए।
यसअनुसार संस्थाले आ.व. २०८०/८१ को आषाढ मसान्तसम्म देशका ५६ जिल्लाका १८९ शाखा कार्यालयहरूमार्फत ३६९ स्थानीय तहमा २ लाख १६ हजार ८७५ सदस्य र ८९ हजार ६८६ ऋणी सदस्यहरुलाई प्रत्यक्ष लघुवित्त सेवा पु¥याई २०८१ असार मसान्तसम्म कुल लगानीमा रहिरहेको बाँकी कर्जा १२.२३ अर्ब र बचत ३.५४ अर्ब रहेको विवरण पेस गरिएको थियो।
सभामा सेयरधनीको जिज्ञासाको जवाफ प्रमुख कार्यकारी अधिकृतले दिएका थिए। त्यसैगरी सभाले आर्थिक वर्ष २०८०/८१ कोे संस्थाको वार्षिक प्रतिदेन, लेखापरीक्षकको प्रतिवेदन तथा लेखापरीक्षकको नियुक्ति गर्ने प्रस्तावलाई सर्वसम्तिबाट पास गरेको छ।
यसैगरी विशेष प्रस्तावको रुपमा ग्रमीण विकास लघुवित्त वित्तीय संस्था लिमिटेड र समाज लघुवित्त वित्तीय संस्था लिमिटेड एक आपसमा गाभ्ने/गाभिने (मर्जर) सम्बन्धी प्रस्तावलाई सर्वसम्मतिले पास गरेको छ।
प्रतिक्रिया