युनिकोड
ललितपुर महानगरले आर्थिक वर्ष २०८२/२०८३ को लागि ७ अर्ब ४७ करोड ४१ लाख ४७ हजार रुपैयाँबराबरको बजेट नगरसभामा प्रस्तुत गरेको छ।
ललितपुरले चालू आर्थिक वर्षका लागि ७ अर्ब ४६ करोड ८३ लाख ९२ हजार रुपैयाँ कुल विनियोजन गरेको थियो।
महानगरकी उपप्रमुख मञ्जली शाक्य बज्राचार्यले नगरसभामा उक्त बजेट प्रस्तुत गरेकी हुन्।
आगामी आवका लागि चालू खर्चतर्फ २ अर्ब ९६ करोड ६४ लाख १८ हजार र पुँजीगततर्फ ४ अर्ब ५० करोड ७७ लाख २९ हजार विनियोजन गरिएको छ।
नगरलाई समृद्धि र शुसासन सम्पदा र संस्कृति संरक्षण , दिगो पूर्वाधार, हरियाली प्रर्वर्द्धन, पर्यावरण, आत्मनिर्भर अर्थतन्त्र, गुणस्तरीय शिक्षा, घर-घर स्वच्छ खानेपानी, सामाजिक विकास, स्वास्थ्य युवा रोजगारलगायतका क्षेत्रलाई बजेटले प्राथमिकता दिएको छ।
प्रतिक्रिया