युनिकोड
दरमखोला हाइड्रो इनर्जी लिमिटेडले सोमबारबाट प्राथमिक सेयर (आईपीओ) निष्काशनमा ल्याएको छ।
कम्पनीले आयोजना प्रभावित क्षेत्रका स्थानीय बासिन्दाका लागि १० करोड ३० लाख ५० हजार रुपैयाँबराबरको १० लाख ३० हजार ५ सय कित्ता सेयर निष्काशनमा ल्याएको हो।
कम्पनीले स्थानीय बासिन्दासँगै सोमबार श्रम स्वीकृति लिएर वैदेशिक रोजगारीमा गएकाहरुका लागि पनि आईपीओ निष्काशन गरेको छ।
कम्पनीले वैदेशिक रोजगारीमा गएकाहरुका लागि २ लाख ९१ हजार ९ सय ५० कित्ता सेयर निष्काशनमा ल्याएको छ।
योबाहेक कम्पनीले २९ करोड १९ लाख ५० हजार रुपैयाँबराबरको २९ लाख १९ हजार ५ सय कित्ता सर्वसाधारणका लागि छुट्याएको छ ।
कम्पनीले आफ्नो जारी पुँजी १ अर्ब ३ करोड ५ लाख रुपैयाँबराबरको ३८.३३ प्रतिशत सेयर निष्काशन गर्ने स्वीकृति पाएसँगै पहिलो चरणमा प्रभावित बासिन्दा र वैदेशिक रोजगारीमा गएकाहरुमा सेयर निष्काशन गरेको हो।
निष्काशन भएको आईपीओमा असार २३ गतेसम्म आवेदन दिन पाइनेछ।
प्रतिक्रिया