यातायात व्यवसायीसँग गृह मन्त्रालयको वार्तामा जुटेन सहमति, केहीबेरको ‘ब्रेक’पछि फेरि बस्ने

यातायात व्यवसायी र सरकारबीच वार्ता निष्कर्षमा पुग्न सकेको छैन। 

बिहानैदेखि गृह मन्त्रालयमा गृहमन्त्री रमेश लेखकसमेतसँग भइरहेको वार्ता यो खबर तयार पार्दासम्म निष्कर्षमा पुग्न नसकेको हो। 

वार्तामा सहभागी नेपाल यातायात व्यवसायी राष्ट्रिय महासंघका वरिष्ठ उपाध्यक्ष सरोज सिटौलाले अहिलेसम्म कुनै निष्कर्ष ननिस्किएको नेपालखबरलाई जानकारी दिए। 

‘वार्ता भइरहेको छ, कुनै सहमति बनेको छैन’, उनले भने, ‘अहिले खाना ब्रेक लिइएको छ। अहिले फेरि बस्नेछौँ।’

उनका अनुसार खाना ब्रेकपछि पुनः वार्ता सुरु हुनेछ।