युनिकोड
नेपालमा सुनको भाउ हालसम्मकै उच्च भएको छ। मंगलबार प्रतितोलाकै ७६ हजार ७ सय पुगेर कीर्तिमान कायम भएको सुनको भाउ बुधबार नयाँ उचाइमा पुगेको हो।
नेपाल सुनचाँदी व्यवसायी महासंघका अनुसार बुधबार छापावाल सुन ७७ हजार १ सय र तेजाबी सुन ७६ हजार ८ सय पुगेको छ। त्यस्तै चाँदी पनि प्रतितोला प्रतितोला ९ सय ५ रुपैयाँ पुगेको छ। सुनको मूल्यमा यो नयाँ कीर्तिमान हो।
मंगलबार छापावाल सुन ७६ हजार ७ सय र तेजाबी सुन ७६ हजार ४ सय तथा चाँदी ८ सय ९० रुपैयाँ प्रतितोला कारोबार भएको थियो। त्यस्तै सोमबार छापावाल सुन ७६ हजार ५ सय र तेजाबी सुन ७६ हजार २ सयमा कारोबार भएको थियो।
यसअघि माघ १८ मा पहिलोपटक ७६ हजार ५ सयसम्म पुगे पनि पछि केही गिरावट आएको थियो। तर मंगलबार र बुधबार भने सुनको भाउले नयाँ कीर्तिमान कायम गरेको महासंघले जनाएको छ।
प्रतिक्रिया