युनिकोड
एनसेलले सेयरधनी परिवर्तन भएपनि सेवामा कुनै अवरोध नहुने बताएको छ। एनसेलले एक सूचना जारी गर्दै सेयरधनी परिवर्तन भएपनि हाल प्रदान गरिँदै आएका सेवा र सुविधामा कुनै अवरोध नपर्ने उल्लेख गरेको हो।
कम्पनीले १८ वर्ष जसरी नै आगामी दिनमा पनि उत्साह र समर्पणका साथ गुणस्तरीय दूरसञ्चार सेवा प्रदान गर्ने प्रतिवद्धता जनाएको छ। एनसेलले कुल १ करोड ६० लाख प्रयोगकर्ता तथा साझेदार रहेको उल्लेख गरेको छ।
मलेसियन कम्पनी एक्जियटाले आफ्नो ८० प्रतिशत सेयर बिक्री गरेको छ। तर सेयर बिक्रीअघि नियामकलाई जानकारी नगराएको र कम मूल्यमा बेची कर छलेको विषयमा सरकारले अध्ययन गरिरहेको छ।
मंगलबार एनसेलले दूरसञ्चार प्राधिकरणलाई सेयर खरिद बिक्रीको जानकारी गराएको छ।
प्रतिक्रिया