चौधरी ग्रुपअन्तर्गत सीजी मोटर्सले बिक्री वितरण गर्दै आएको विद्युतीय माइक्रोबसहरू काठमाडौंका विभिन्न रुटहरूमा सञ्चालनमा आएका छन्।
बागमती प्रदेश सरकारको नीति तथा महानगरपालिकाको अवधारणाअनुसार पुराना डिजेल र ग्यासबाट चल्ने सार्वजनिक सवारीका साधन विस्थापित गरी विद्युतीयलाई बढावा दिन लागिएको हो।
सीजी मोटर्सका अनुसार, एउटा माइक्रो बसले दैनिक १५० देखि २०० किलोमिटर चल्दा ५ हजारदेखि ७ हजार रूपैयाँको डिजेल खपत गर्छ। यस हिसाबले काठमाडौंमा सञ्चालनमा रहेका ३ हजार डिजेल माइक्रोबस विस्थापित हुँदा दैनिक २ करोड १० लाख रूपैयाँबराबरको डिजल बचत गर्न सक्छ।
विद्युतीय सवारी साधनको ब्याट्री र वारेन्टी डिजेल सवारीको तुलनामा दोब्बर रहेको सीजीको दाबी छ। सीजीले बिक्री वितरण गर्दै आइरहेको किङ्लङ माइक्रो बस १४ र १९ सिटर गरी दुई मोडेल नेपाली बजारमा उपलब्ध छन्।
यसमा सीएटीलद्वरा निर्मित ब्याट्रीको प्रयोग भएको छ र एकपटक फुल चार्ज गर्दा ३०० किलोमिटर चल्ने कम्पनीले उल्लेख गरेको छ।
१८० मिमी ग्राउन्ड क्लियरेन्स भएको गाडी नेपालको बाटो र माटो सुहाउँदो रहेको कम्पनीले जनाएको छ। हरेक ५ वटा गाडीमा एउटा फास्ट चार्जर दिने स्किम पनि कम्पनीले ल्याएको छ। नेपालभर ३० भन्दा धेरै ठाउँमा चार्जर स्थापना भइसकेको र थप ५० ठाउँमा तत्कालै चार्जर जडान गर्ने लक्ष्य लिएको पनि कम्पनीले जनाएको छ।
सीजीका अनुसार, काठमाडौंमा ३ ठाउँबाट सर्भिस सुविधा लिन सकिनेछ। चक्रपथमा हरेक ५ किलोमिटरमा एउटा चार्जर राख्ने अन्तिम तयारी भइरहेको छ। ८० प्रतिशतसम्म कर्जा सुविधा रहेको र नेपालभरका सम्पूर्ण बैंकहरूबाट सुलभ कर्जा सुविधा लिन सकिने कम्पनीले जनाएको छ।
Shares
प्रतिक्रिया