आईएफसी उपाध्यक्ष उपाय फुलफिलमेन्ट सेन्टरमा

अन्तर्राष्ट्रिय वित्तीय निगमका उपाध्यक्ष सुसान लन्डले उपायको काठमाडौँस्थित फुलफिलमेन्ट सेन्टरको अवलोकन गरेका छन्।
 
नेपालको तीन दिने भ्रमणमा रहेका उपाध्यक्ष सुसानलाई उपायका सहसंस्थापक तथा प्रबन्ध निर्देशक सुमन रायमाझी तथा बोर्ड सदस्य रंजीव श्रेष्ठले उपाय फुलफिलमेन्ट सेन्टरको अवलोकन गराएका हुन्।
 
उपाय फुलफिलमेन्ट सेन्टरको अवलोकन भ्रमणको क्रममा उपाध्यक्ष सुसानलाई नेपालको लजिस्टिकको समग्र इतिहास तथा उपायको नेपाली लजिस्टिक क्षेत्रको रुपान्तरणका लागि भावी कार्यक्रमबारे प्रवन्ध निर्देशक रायमाझीले जानकारी गराए।
 अवलोकनमा डोल्मा ईम्प्याकट फन्डका प्रतिनिधि र आईएफसीका अन्य पदाधिकारीहरुको पनि उपस्थिती रहेको थियो।