युनिकोड
लुम्बिनी प्रदेश सरकारले नागरिकको स्वास्थ्य परीक्षण गर्न बजेट विनियोजन गरेको छ।
लुम्बिनीका प्रदेशका आर्थिक मामिला मन्त्री धन बहादुर मास्कीले आगामी आर्थिक वर्ष २०८०/८१ को बजेट सार्वजनिक गर्दै ४० वर्ष माथिका नागरिकको नि:शुल्क मधुमेह, रक्तचाप र मिर्गौलाको परीक्षण गरिने बताए।
सरकारले लुम्बिनी प्रदेश अस्पतालका लागि २१ करोड, पाल्पाको रामपुर र रोल्पा जिल्ला अस्पतालका लागि १ करोड रुपैयाँ विनियोजन गरिएको बताए।
अर्घाखाँची अस्पतालको लागि ६ करोड रुपैयाँ विनियोजन गरिएको जानकारी उनले दिए।
यसैगरी प्युठानमा नयाँ अस्पताल बनाउन बजेट विनियोजन गरिएको उनले बताए।
एम्बुलेन्समा जीपीएस प्रणाली जडान जडान गर्ने र प्रदेश राजधानीमा भालुबाङ अस्पतालमा सुविधा बढाउन १ करोड ५० लाख रुपैयाँ विनियोजन सरकारले गरेको छ।
प्रतिक्रिया