युनिकोड
पुँजी बजारका लगानीकर्ताले नयाँ स्टक एक्स्चेन्ज माग गरेका छन्।
सेयर लगानीकर्ताहरुले नयाँ स्टक एक्सचेन्ज र ब्रोकर अनुमतिपत्र (लाइसेन्स) नरोक्न प्रधानमन्त्री पुष्पकमल दाहालसमक्ष आग्रह गरेका हुन्।
सेयर लगानीकर्ताले बुधबार प्रधानमन्त्री दाहाललाई भेटी नयाँ ब्रोकर लाइसेन्स, नयाँ स्टक एक्सचेन्ज र कमोडिटी एक्सचेन्जको लाइसेन्स वितरण प्रकिया बिनाढिलासुस्ति कार्यान्वयन गर्न आग्रह गरे।
सो क्रममा प्रधानमन्त्री दाहाललाई पुँजीबजारको हालको स्थिती बारे ६ बुँदे माग प्रस्तुत गरियो।
प्रधानमन्त्रीलाई बुझाएको ज्ञापनपत्रमा १२ करोड रुपैयाँसम्मको सेयर कर्जाको सीमाले सेयरबजारलाई निरुत्साहित गरेकोले सो व्यवस्था फिर्ता लिन लगानीकर्ताले अनुरोध गरेका छन्।
यस्तै, सेयर कर्जामा लगाइएको १ सय ५० प्रतिशतको जोखिम भारित औसतलाई १०० प्रतिशत कायम, लगानीकर्तालाई अल्पकालिन र दीर्घकालिन लगानीकर्ताको रुपमा विभाजन गरी सोहिअनुरुप अल्पकालिन लगानीकर्तालाई ५ प्रतिशत र दीर्घकालीन लगानीकर्तालाई ३ प्रतिशत पुँजीगत लाभकर लगाउने व्यवस्था लगानीकर्ताले माग गरेका छन्।
प्रतिक्रिया