अपडेट : नेपालगन्जमा केही बेर विश्रामपछि बुद्ध एयरको जहाज सुर्खेतमा अवतरण

सुर्खेतमा अवतरण हुन नसकेपछि नेपालगन्ज ल्याइएको बुद्ध एयरको जहाज मौसम सुध्रिएपछि पुनः उतै लगेर अवतरण गराइएको छ।    

सुर्खेतका लागि लागि बुधबार बिहान ८ बजेतिर काठमाडौंस्थित त्रिभुवन विमानस्थलबाट उडेको बुद्ध एयरको यु ४–१३३  फ्लाइट नम्बरको जहाज सवा ९ बजे सुर्खेत पुगेको थियो। तर मौसम खराब भएका कारण त्यहाँ अवतरण हुन सकेन र जहाज नेपालगन्ज विमानस्थल ल्याएर अवतरण गराइयाे।

नेपालगन्जको विमानस्थलमा केही बेरको विश्रामपछि मौसम सुध्रिएकाले पुनः सुर्खेत लगेर जहाज अतवरण गराइएको त्यहाँको विमानस्थल स्रोतले जनाएको छ। 

जहाजमा चालक दलका ४ सदस्यसहित ४८  जना सवार थिए।