उपदान र पेन्सन कोषको पैसामा तीन बैंकलाई फरक–फरक सीमा

नेपाल राष्ट्र बैंकले उपदान तथा पेन्सन कोषमा रहेको ५६ करोड रुपैयाँ ब्याजमा लगाउँदै छ।

त्यसको लागि वाणिज्य बैंक, विकास बैंक र फाइनान्स कम्पनीलाई निश्चित लगानीको सीमा तोकेको हो। 

राष्ट्र बैंकले फाइनान्स कम्पनीको लागि २ करोड ८० लाख, विकास बैंकहरुको लागि ८ करोड ४० लाख र वाणिज्य बैंकले ४४ करोड ८० लाख रुपैयाँ पाउने भएका छन्। 

उक्त रकम लगानी गर्न पनि राष्ट्र बैंकले शर्तहरु तोकेको छ। 

लगानी गर्ने वित्तीय कम्पनी २ वर्ष सञ्चालनमा आएको २ वर्ष हुनुपर्ने, न्यूनतम पुँजीकोष कायम रहेको हुनुपर्ने, खुद तरलता सम्पत्ति स्वदेशी निक्षेपको २० प्रतिशत वा सोभन्दा बढी रहेको हुनुपर्ने जस्ता शर्तहरु राखिएको हो।